Baptist Convention

“Thupek pakhatna ațanga pangna thleng hi mihirngin Pathian a hmangaihna tura tih a ni a, mahse, thupek pakhatna kan zawm hian, a dang paruk pawh hi zâwm âwm tak kan ni…thupek palina chu Pathianin mihringte hun leh ngaihtuahna a hauhna a ni a…ni ruk chhûng hnathawh leh a ni sarihnaa chawlh hian Pathian chu thilsiama a thawhrimna leh a chawlhna hraitpui tura țanpuitu a ni…sâwm zînga pakhat lek pawh hian hnam bil bîk tân chauha awmze nei a ni lo a. Sabat hi (Mosia awm hma daih tawha) din a ni a, Hebrai mite nen chauha inkungkaihna nei a ni lo, mahse mi zawng zawng tâna din a nih angin, ni ruk chhûnga thil siam zawha Pathian chawlhna hriat rengna atâna din a ni. Adama thlahte zawng zawng tana duan a ni.” -Adult Quarterly, Southern Baptist Convention series, Aug. 15, 1937.

Roman Catholic

“Presbyterian te, Baptist te, Methodist te, leh Kristian kohhran dangten Sunday an serh hi Bible khawiah mah behchhan a awm lo tia khaw hmuh hi a tha khawp ang. Sunday chu Roman Catholic kohhran din chawp a ni a, tin chumi ni serhtu chuan Catholic thupek an serh tihna a ni.” Priest Brady, in an address, reported in the Elizabeth, NJ ‘News’ on March 18, 1903.

“Kohhranin chawlhna ni chu Juda-te Sabat ațang, a ni sarihna chu ni khatnaah emaw a thlâk hian Thu Pek pathumna chuan Sunday chu Lalpa ni anga thianghlim taka serh tur a ni tih a kâwk. Thu Sawm Pek hian Kristiante a la phuar reng a ni tih hnâwltute chu Trent khawmpui rorel (Sess. VI, can. xix) hian a dem hle a ni. The Catholic Encyclopedia, Commandments of God, Volume IV, © 1908 by Robert Appleton Company – Online Edition © 1999 by Kevin Knight, Nihil Obstat – Remy Lafort, Censor Imprimatur – +John M. Farley, Archbishop of New York, page 153.

‘Kohhran thuneihna i hnar a, thupek pathumna, protestant kohhranah chuan palina- Pathian Thupek, Saturday chu Sunday-a thlâk chungchangah sawi fiahna tur emaw, sawi rem theihna tur emaw engmah i hmu lo ang…kohhran chu Bible chunga leng a ni a, tin Sabat serh thlâkthlengna hi kohhran thuneihna a ni tih a chiang a ni.” Catholic Record, September 1, 1923.

“Protestant-ten Bible hi an zui a nih chuan, Sabat ni-ah Pathian chibai an bûk tur a ni. Sunday an serh hian Catholic Kohhran dân an zâwm tihna a ni.” Albert Smith, Chancellor of the Archdiocese of Baltimore, replying for the Cardinal, in a letter dated February 10, 1920.

Episcopal

“A ni sarih ni chuan i châwl tur a ni tiin Bible thupek chuan a sawi a. Sunday ni hi chibai bûk nan in hman țhin tur a ni tih hi Bible khawiah mah a awm lo.” Phillip Carrington, quoted in Toronto Daily Star, Oct 26, 1949 [Carrington (1892-), Quebec-a Anglican archbishop chuan clergymen-te inthawh khawmna hmunah khitiang khian a sawi a. He thu hi a hunlai khan chanchin tharah (News media) zau taka theh darh a ni.

Lutheran

“Juda-te Sabat chu Kristian kohhrante thinlungah zawi muangin a chuai telh telh tih kan hmu thei a, ngaihtuahna thar neiin a ni khatna serhna chuan kohhranah hmun a rawn luah khat a. Kum za bi pathumna thlenga Kristainate khan an hriat pawlh lo, mahse an hman kawp hun erawh a awm.” The Sunday Problem, a study book by the Lutheran Church (1923) p.36

Church of Christ

“A ni sarihna Sabat ațanga a ni khatnaa thlâk turin Pathian hnen ațanga thupek emaw, tholeh Krista ațang zirtirna emaw, Tirhkohte ațanga thurawn emaw engmah kan hmu lo.” He thu-ah hian i chiang hle ang u. Khatih huna Kristianteah ni sarih ni hmasa ber kha ni dang zawng aiin hriat hlawh ber ni mah se, Thuthlung Tharah ni thianghlim anga serh tura tihna thupek a awm lo.” Roman kohhran chuan Krista thawhlehna chawimawi nan ni sarih ni hmasa ber hi a thlang ta a ni…” Bible Standard, May, 1916, Auckland, New Zealand.

Church of England

“Chibai bukna hi Sunday-a tih tur a ni tih hi khawi Bible changah mah a awm lo. Sabat ni chu serh tur a ni tih hre reng rawh…! Chu chu Saturday a ni.” P. Carrington, Archbishop of Quebec, Oct. 27, 1949.

Smithsonian Institute  

“Sunday chungchang khel a nih hian, Krista thawhlehna niah kan pawm tlângpui a, Kristiante zîngah ngaih dan hrang hrang a tam hle mai a. A ni sarihna, Sabat nen hian hriat pawlh a hlawh fo bawk. Sap țawng hmangte zîngah hian thupek palina chu Sunday-ah sawn a ni tawh tiin ngaih dan dik lo nghet tak an nei tlangpui bawk. A châng chuan, dik lo mah se, sawi dan tlangpuiah Sunday hi Sabat anga sawi a ni thin.” -F. M. SETZLER, Head Curator, Department of Anthropology, Smithsonian Institute, from a letter dated Sept. 1, 1949.