“1648 vela baptisma an changtir, Pathian thupek leh Isua rinna thu zawmtu Kristian chuan, kum 32 zet a ni sarihna chu Sabat atan a chawl.” Monument over the grave of Dr. Peter Chamberlain

Hungary, Romania

“Sunday hnawla a ni sarihnaa an chawlh avangin Lal Sigmond Bathory-a chuan tihduhdahna thupek a chhuah. Pechi-a chu chancellor nihna pek a ni a, chu nihna chuan Transylvania lal țhutthleng luah thei turin dinhmun a siamsak. Bible a zir a, hla pawh a phuah nual a. chung a hla phuahte chu Sabat chawmawina lam a ni ber. Pechi-a chuan an man a1640-ah a thi.

Sweden Leh Finland

 Kha tih laia Sweden ramin a huam tel Finland leh Sweden hmar lam thlengin chutiang ngaih dan an neihte chu a hriat theih a. “Upala bial (district)-ah chuan lo nei mite chuan Sunday aiah Saturday an serh a. 1625 kum vel khan heng ramahte hian he sakhaw sukthlek hi a langsar hle tawh a, mimir nawlpui chauh pawh ni tawh loin puithiamte hial pawhin Saturday chu chawlhna ni-ah an hmang a ni.” History of the Swedish Church, Vol.I, p.256

Muscovit Russian Kohhran

“Saturday (Sabat hlui zawk) chu an tiurhsun a. Samuel Purchase- “His Pilgrims.” Vol. I, p. 350

India – 1625 (Jacobites)

“Saturday chu an serh thianghlim a. Saturday ni chuan inkhawm urhsun an nei țhin.” Pilgrimmes, Part 2, p.1269

America – 1664 

“Stephen Mumford-a, America rama Sabat serh hmasa bertu chu 1664 khan London ațangin a lo kal a ni.” History of the Seventh-day Baptist Gen. Conf. by Jas. Bailey, pp. 237, 238

America – 1671 (Seventh-day Baptists) 

“Sabat serh duh vanga Baptist Kohhran ațanga inla hrang.” See Bailey’s History, pp. 9,10

America 1603-1683

“Leia Krista aiawh lem chang chu,…van Pathian kalhin thu a sawi a, hunte leh dante chu tihdanglam a tum a; boral fapa mai a lo ni.” America rama Baptist pastor hmasa ber (1603-1683)–The Bloody Tenet of Persecution, quoted in L. E. Froom, The Prophetic Faith of Our Fathers, vol. 3, p. 52. Emphasis supplied.

England

Charles I,1647 (Parliament Commissioners a zawhna an zawh) “Saturday hi serh tur a ni tawh lo e, tih emaw Saturday chu Sunday-ah thlak a ni tawh e, tih hi Lehkha Thu (Bible)-ah hmuh tur a awm lo, chuvangin chuan kohhran thuneihnaa thlak a ni a, a thlakna pawh din nghal a ni.” Cox, “Sabbath Laws,” p.333

England – John Milton 

“Mihring thuneihna ațanga phuah chawpa a ni khatna serh ai chuan, Pathian thupek ațang ngeia a ni sarihna serh hi a him zawk ngei ang.” Sab. Lit. 2, 46-54

England 

‘Book of Sports’ tih kha 1618-a an tihchhuah khan English mithiam zingah inhnialna kawng hnihin a lo chhuah phah a: Pakhatna, thupek palina Sabat hi a la țul reng nge ni a; tin, pahnihna, engvanga ni sarih ni hmasa ber hi Sabat anga serh tur nge kan nih ang.” Haydn’s Dictionary of Dates, art. “Sabbatarians.” p.602

Ethiopia – 1604 

Jesuit-ho chuan Abyssinian kohhran chu Roman Catholic dan anga awm turin hmin an tum a. AD 1604 khan Pope hnenah lehkha theh lut turin an Lal Zadenghel-a chu an hmin a. Saturday serh tur a ni tawh lo a, a thuneihna hnuaia awm zawng zawng pawh chutianga awm tura tih an ni a, a nih loh chuan na taka hrem an ni ang.” Gedde’s “Church History of Ethiopia.” p.311, also Gibbon’s “Decline and Fall,” ch. 47

England – 1618 

“Kar khatah ni nga chauh zirtir phalsak a ni hram a, tin Sabat ni-ah a chawlh avangin lung in thar Maiden Lane-ah an tantir a, England kohhran laka ngaih dan hrang neite an lo tantir tawhna hmun a ni a. Pi. Traski-i hian Saturday Sabat chungchangah ngaih dan bil a neh avangin kum 15 emaw kum 16 emaw chhung lung inah dah a ni.” Pagitt’s “Heresiography.” p.196

England – 1668 

“Ringtu tam tak tlan chhia, a bika hum himna dahte bakah England-ah hian Sabat serh kohhran pakua emaw sawm emaw an awm a.” Stennet’s letters, 1668 and 1670. Cox, Sab.,1, 268

Bohemia, Moravia, Switzerland, Germany 

“Rorelna hmuna thuneihna sang tak nei (the counsellors and lords), John Gerendi-a chu Sabat serhtute zinga an hotu a ni a, chung mite chuan Sunday an serh lo a, Saturday an serh a ni.” Lamy, “The History of Socinianism.” P. 60

Telegraph Print, Napier 

England ram Essex hmuna St. Margaret-I bak in (chapel) a, mi zahawm tak memn tlak Dr. Peter Chamberlen-a, mite ngaihnat mem, damdawi lam thiam, kum za bi 17-na hunah khan England lal pathum a hrawn hman a, a thlan lungah chuan Puritan Sabat serhtute chanchin ziah lan a ni.

Thlan lunga an ziah chu hetiangh hi a ni: 

“Peter Chamberlen-a damdawi lam thiam, England rama piang leh lehkha zira hmun hrang hrang, University hrang hranga lo kal tawh, kum 30 chhung zet England lal pathum leh lalnute: King James & Queen Anne; King Charles ye first & Queen Mary; King Charles ye second & Queen Katherine; leh ram dang lalte pawh a enkawl a; Europe hmun hrang hrang fangin, an țawng pawh a thiam deuh vek bawk.

Kristian a nih angin Pathian Dan leh Isua rinna zawmtu a ni. 1648 vela baptisma chang a ni a, ni sarihna Sabat pawh kum 32 zet a serh a ni.

A thiamna leh a tawnhriat chu mite hnenah sawi a ni fo: lyes Chamberlen chuan, a chanchin pawh an sawi tam tawk tawh a ti hial.”