Sabbath Ni Hi Chawlhna Ni leh Chibaib<kna Ni a Ni–

Țhenkhat chuan ‘theuleuna ni’ tiin an sawi țhin a. Inthlahrung miah loa hemi nia hna chawlhsan te, chawlhkar tin mai tih tur inchhawpsa pawh chawlhsan a, inchhung hna sekrek pawh chawlhsan chu han ngaihtuah chhin teh! Chhungkuaa țhiante nen hun hman ho ni emaw, thilsiam en tura kal chhuah ni emaw, mite tan thil țha tih ni emaw a ni a. A lan danah chuan nuam tawlna ni a ang vaiu mai thei, mahse a ni lo. Chutih laiin, Pathian hian chawlhkar tin chawlh nan leh thilsiam lama thinlung kan sawrbing ni atana a siam a ni a.

Lalpan Bul A |an

“Tin, Pathianin ni sarih nîah chuan a thilsiam chu a ti zo va, ni sarih nîah chuan a thilsiam zawng zawng chu a chawlhsan ta a. Tichuan, Pathianin ni sarih ni chu mal a sâwm a, a serh ta a; chumi nîah chuan Pathianin a thilsiam zawng zawng, thu ngawta a siam leh kuta a siamte chu a chawlhsan tâk avângin,” (Genesis 2:2, 3). A ni sarih ni chuan Pathian chu a chawlh avangin, hemi ni chawlhna ni hi engtik lai pawha hriat reng turin a duang a ni. Thupek palinaah chuan, “Chawlhni chu thianghlim taka serh tur a ni tih hre reng rawh,” A ti a. “Ni ruk chhungin i hna zawng zawng i thawk thei ang a, mahse a ni sarih ni erawh chu Lalpa i Pathian tan chawlhni a ni (Exodus 20:8-10).

Sabbath Siam Chhan

Pathian hian Sabbath siam chhan pahnih a nei a: A thilsiam hriat rengna leh kan chhandamna chhinchhiahna a ni. “Lalpa pawhin ni rûk chhûngin tuifinriat te, lei leh vân leh a chhûnga awm zawng zawng te a siam a, a ni sarih ni chuan a châwl a ni. Chuvângin, mal a sâwm a, a serh a ni, (Exodus 20:11).”  “Anni nêna kan inkâr chhinchhiahna atân Sabbath ni pawh ka ruatsak a, anmahni la hrangtu ka nih an hriat theih nân,” (Ezekiela 20:12).

Hebrai țawnga ‘sabbath’ tih awmzia chu “tâwp/chawlhsan” tihna a ni. Pathian chu thil a siamna ata a châwl ang bawkin keini pawh kan ni tin hna thawhte chawlhsan a, thil pawimawh zawka rilru sawr bing tur kan ni. Hemi ni hi intuai tharna ni tur a ni. Sabbath nia kan chawlh hian kan rinna avanga thil kan tih a ni a; kan thiltih chu eng pawh chu lo ni se, Pathian hian engkim hi a thunun a ni tih min hriat chhuahtirna a ni. Chawlhkar khatah vawi khat kan khawvel thilte chawlhsan a, “Lalpa, hemi nia Nangma lama ka rilru zawng zawng ka dah lai hian min enkawl reng ang tih ka ring tlat a ni. Ni sarih chhungin ni ruk chhung chauh thawk mah ila, ka mamawh chu min pe ngei ang tih pawh ka ring tlat bawk. Vawiina ka hlawh chhuah zât chu eng pawh chu lo ni se, chawlhkar kal taa hma chhawp tih tur la awm chu eng anga tam pawh ni se, vawiinah hian ka rilru leh ka taksa chu Nangma hmaah hian ka chawlhtir ang,” tiin kan sawi țhin a ni.
 

Remchânna La Rawh

Mihringte hian kan tui zâwng tih kan châk țhin a, thlarau lama țhanna tur pawh kan mamawh tel a, chantuana tân thil pawimawh tinzâwn pawh a pawimawh tih hi Pathian hian a hria a ni. Sabbath ni hi ni tin nuna phurrit hlihthlâkna hun remchang a ni.

– Emily Thomsen