Kum sarihna leh Jubili te hi Thusawm Pekah ziah lan an ni ve lo a. Israel ramah chauh hmang tura tih an ni a, Israel fate thlalera an kal lai, Kanan ram an luh hma si khan an hmang lo. Serh leh sang dan tam tak zinga mi an ni a (Ephesi 2:15), chu chu kros-ah khan a tawp tawh.

H.M.S. Richards, Hard Nuts Cracked, 3. ațanga lak chhuah a ni.

        Lalpa Sabbath leh Hebraite sabbath-te hi inang lo tak an ni.

1. Lalpa Sabbath din țanna chu thilsiam chawlhar tawpah a ni a; Sabbath-te chu Israel fate kut ni nena inzawmna nei an ni.
2. Chu Sabbath chu Pathianin mal a sawm a, a tithianghlim a, a chhan chu thil a siamna ațanga a chawlhsan ni a ni a; pakhat zawk chuan chutiang zahawmna chu a nei ve lo.
3. Israel fate thlalera an kal lai khan Lalpa Sabbath kha a la awm reng a, zawm ngei ngei tura tih an ni a; mahse kum tina an hman țhin Sabbath-te an lo lang a. Lalpa Sabbath chungchang sawi lanna apiangah Israel fate thlan an nih hma daiha awm tawh a nihzia a lo lan laiin, chung mite chu kaihhruai an nih laiin Sabbath-te chu pek a ni tih Pahian chetna chu hai rual a awm lo.
4. Israel faten thlalerah Lalpa Sabbath an bawhchhiat avangin ram tiama luh chu phalsak an ni lo a; mahse kum tina an hman țhin Sabbath-te chu ram an va luh hma chuan serh loh tur an ni a. Sualna thlalera an kal chhuah hma kha chu Lalpa Sabbath kha pek an ni lo tih hi dik ni ta se, an inan lohna kan sawi hi a mak ngawt ang; kum tina lo thleng țhin Sabbath chi hnih erawh chu Aigupta an chhuahsan hmaa pek an ni.
5. Lalpa Sabbath chu mihring tana siam a ni a; mahse kum tina thleng țhin Sabbath erawh chu Palestina rama an awm hnuah chauh hman tura pek an ni.
6. Pakhata chu chawlhkar tina thleng a ni a, chu chu Siamtu a chawlh hriat rengna ni a ni a; a dangte chu kum khatah vawi khat a lo thleng țhin a, chu chu Hebrai-ho Aigpta ram ațanga hruai chhuah an nih hriat rengna nena inzawmna nei an ni.
7. Pakhata chu “Lalpa Sabbath,” “ka Sabbath,” “ka ni thianghlim,” tia koh a ni a, thil thuhmun an ni; a dangte chu “in Sabbath” “a Sabbath,” niin, inang reng an ni ve bawk.
8. Pakhata chu thu sawm pek zinga Pathianin a puan, țhatna dan lung phek pahniha, a kut zungțanga a ziah a ni a, chu chu zahngaihna țhutphah hnuai, thuthlung bawm chhunga dah a ni; a dangte chu țhatna dan nen inkungkaihna an nei lo a, serh leh sang dan ziaka dah, thil țha la thleng tur hlimthla a ni.
9. Kut nite leh Lalpa Sabbath danglamnate chu kut leh kut ni Sabbath-te a pek lai khan Pathianin fimkhur takin, inang lo hle turin a duang a. Chuvang chuan,

“Lalpa Sabbath piah lamah, hengte hi Lalpa kut, pun khawmna hun thianghlimah in puang tur a ni,” tiin a sawi a ni.

– History of the Sabbath and First Day of the Week, J.N. Andrews, pg. 89